ek darr hai mann mein aaj

ki yeh sundar khwaab jo main har pal dekh rahi hoon

 toot na jaaye

 yeh sapna,

samay ki dhaara key sang

reth bankar

behey naa jaaye...

jeeney ka maqsad hai yeh

hawa key jhaunkey mein mil kar

kisi aur ud na jaaye...

umeed bhi ek aisi cheez hai

jismey har mann ki asha

ek nai raah dikhaati hai

ek naya sapna zindagi sey dilwaati hai...

kyon darti hoon main phir

ab is pal

jab ehsaas hai

 ki beshumaar pyaar hai merey jahaan main...kyon phir lagta hai

ki kisi ki irsha

shayad kheech legi meri kushi mujhsey.. kyon?